د لوړو زده کړو وزارت د خصوصي پوهنتونونو د معیاري زده کړې ملاتړ کوي. تنویر پوهنتون د دې لارې چارو یو باوري شریک دی چې د هېواد د ځوان نسل د علمي پراختیا لپاره کار کوي. د معیاري زده کړې، شفاف مدیریت او د زده کړیالانو د حقونو د خوندیتوب تضمین زموږ ګډه مسؤلیت دی.

په درنښت،
د لوړو زده کړو وزارت

ګرانو محصلینو، استادانو او د پوهنتون علمي کورنۍ ټولو غړو! السلام علیکم ورحمت الله وبرکاته تنویر خصوصي پوهنتون د علم، څېړنې او نوښت پر بنسټ تاسیس شوی دی، څو د هېواد د ځوانانو لپاره د نړیوالو معیارونو سره سم د زده‌کړې او څېړنې چاپېریال برابر کړي. زموږ موخه یوازې د مسلکي مهارتونو روزنه نه ده، بلکې د داسې نسل روزنه ده چې د ټولنې د مثبت بدلون لپاره مسؤل، نوښتګر او د انساني ارزښتونو درناوی کوونکی وي، او داسې علمي کدرونه وي چې هیواد مو د سیالانو سره سیال کړي. موږ باور لرو چې پوهه د پرمختګ تر ټولو قوي وسیله ده. له همدې امله، پوهنتون د کیفیت لرونکي تدریس، د څېړنې د ودې، او د محصلینو د عملي تجربو د غښتلتیا لپاره ژمن دی. د تنویر خصوصي پوهنتون هر غړی محصل، استاد او اداري کارکوونکی د دې سترې موخې برخه دي، او زموږ ګډه هڅه به د علمي لاسته راوړنو ترڅنګ د ټولنې د روښانه راتلونکي سبب شي.

په درنښت،
الحاج دکتور زاهدالله زاهد
د تنویر پوهنتون بنسټګر

ګرانو محصلینو، استادانو او د پوهنتون ملګرو! السلام علیکم ورحمت الله وبرکاته زه ویاړم چې د تنویر پوهنتون د رئیس په توګه د داسې علمي ټولنې مشري کووم چې د زده‌کړې، څېړنې او نوښت په برخه کې د نړیوالو معیارونو د پوره کولو لپاره ژمنه ده. زموږ پوهنتون هڅه کوي چې محصلینو ته نه یوازې مسلکي مهارتونه ور زده کړي، بلکې هغوی د ټولنې د مثبت بدلون لپاره مسؤل وګړي هم وروزي. زموږ ستره موخه د علمي کیفیت لوړول، د څېړنیزو پروژو پراخول، او د محصلینو د وړتیاوو غښتلتیا ده. زه په ټینګ باور لرم چې د استادانو علمي هڅې، د محصلینو نوښتګر فکر، او د اداري کارکوونکو ژمنتیا به د پوهنتون د لاسته راوړنو بنسټیزه برخه وي. تنویر خصوصي پوهنتون د علمي لاسته راوړنو ترڅنګ د انساني ارزښتونو د پیاوړتیا لپاره هم ژمن دی، څو زموږ محصلین د هېواد او ټولنې د روښانه راتلونکي لپاره اغېزمن رول ولوبوي.

په درنښت،
سراج الاسلام سراج
د تنویر پوهنتون رئیس